Poeti dhe dramaturgu i mirënjohur arbëresh, Giuseppe Schirò di Maggio, ka përkujtuar një ngjarje të rëndësishme për historinë e shtypit arbëresh, pikërisht botimin e revistës “Mondo Albanese”.

Numri i parë i kësaj reviste u botua 45 vjet më parë, me 1 gusht të vitit 1975.

Giuseppe Schirò di Maggio njihet si bashkëthemeluesi i revistës “Mondo Albanese”, revistë që e drejtoi në vitet 1975–1989.

Kjo revistë, e shkruar në arbërisht, ka luajtur një rol të rëndësishëm jo vetëm për ruajten e këtij dialekti historik të shqipes, por edhe për promovimin dhe propagandimin e kësaj gjuhe si të domosdoshme për t’u përfshirë në programet shkollore të trevave arbëreshe në Itali.

Zef Skiro Di Maxho lindi më 11 janar të vitit 1944 në Hora e Arbëreshëvet, Siçili, Itali. Studioj letërsin klasike në Universitetin e Palermos, ku edhe u diplomua.

Mësues i letërsisë për shumë vite, ka kultivuar pasionin e tij për teatrin, dhe ai themeloi teatrin arbëresh. Zef Skiro Di Maxho, pas punës së bashku me priftin atdhetar shqiptar Gjergji Skiro, është kryedrejtor i revistës “Mondo Albanese” (Bota Shqiptare).

Shquar për tonin e tij ironik e shpesh sarkastik, ka shkruar rreth dhjetë libra poetikë, ndër të cilat vlen të përmenden: “Nëpër udhat e parrajsit shqipëtarë e t’arbreshë”, “Poemë gjysmëserioze arbëreshe Orëmira”, “Për tokën fisnike të Horës”.