Atleti i Guinea-Bissau, Braimi Sunkar Dabo ka shtangur botën me gjestin e tij gjatë garës 5000 metra në Kampionatin Botëror të Atletikës në Doha, shkruan Gazeta Metro.

Në shtator të këtij viti në kryeqytetin e Katarit, Doha, është mbajtur Kampionati Botëror i Atletikës.

Në garë ishin gjithsej 1.972 atletë nga 209 shtete, duke përfshirë 918 femra, të cilët morën pjesë në këtë eveniment sportiv që zgjati deri me 6 tetor.

Mirëpo atleti i Guinea-Bissau, Braimi Sunkar Dabo ka bërë një gjest shumë të mirë derisa ka sakrifikuar rezultatin e tij në garën e 5000 metrave në Kampionatin Botëror të Atletikës, në Doha për të ndihmuar Jonathan Bazbi që nuk kishte më forcë të përfundonte garën.

Video është bërë virale në rrjetet sociale derisa gjesti i tij ka marrë shumë lëvdata. /gazetametro.net