Analisti Baton Haxhiu tha në emisionin “Opinion” se prej të paktën 6 muajsh Kryeministri Rama është angazhuar në bisedime për të negociuar në lehtësimin e konflikteve mes Greqisë dhe Turqisë.
Haxhiu pohoi se të premten Rama do të ketë një vizitë në Athinë, ndërsa shtoi se këto përpjekje diplomatike pritet të kenë një fund.
Pjesa nga diskutimi në studio :

Haxhiu: Një vizitë e Ramës është parashikur në Athinë të premten. Kam një bindje që një marrëdhënie e tillë e shpejtë, e shpeshtë Stamboll -Athinë mund të sjellë një rezultat diplomatik që mund të jetë i rrallë.

Fevziu: Vizita do të jetë për balancë diplomatike?

Haxhiu: Unë mendoj që ka diçka tjetër. Është një negociatë për disa muaj, mos të them më shumë se 5-6 dhe një përpjekje e një shteti të vogël për të pajtuar dy shtete të mëdha.

Fevziu: Gent Caka pajtoi Greqinë me Turqinë?

Haxhiu: Unë mendoj se ndonjëherë njeriu është më i rëndësishëm se sa shteti.
Fevziu: Është Rama vetë thua ti?

Haxhiu: Besoj që po.

Fevziu: Është nismë profesionale apo personale?

Haxhiu: Nuk mund të flasim për detaje. Nëse ju kujtohet kur e kemi bërë një debat për raportin Greqi- Turqi kanë qenë ditët e negociatave, që realisht kanë pas momente të vështira, që në një mënyrë apo një tjetër Kryeministri shqiptar ka bërë çmos që nga Stambolli në Athinë…

Fevziu: Rama ka negociuar mes dy palëve apo është ofruar të negociojë?

Haxhiu: Nuk di detajet, megjithatë është një prej përpjkejeve më të rëndësishme diplomatike dhe politike dhe këto përpjekje besoj që do e kenë një fund.