DURRËS- Spiranca metalike e një anije antike, më e madhja e këtij lloji e zbuluar në ujrat tona detare deri më sot, është gjetur nga disa peshkatarë në gjirin e Durrësit.

Sipas të dhënave paraprake, ajo është pjesë e një objekti metalik që kombinohej me një tra prej druri dhe që ka një gjatësi prej rreth dy metrash, çka lë të kuptosh se anija së cilës i përket ka patur një gjatësi prej rreth 25 metrash.

Objekti i përket periudhës romake dhe ka një moshë afro 2000-vjeçare, nënvizoi specialisti i arkeologjisë nënujore.