Pak më vonë do të nisë zyrtarisht edhe kampionati europian që ka sjellë një atmosferë ndryshe në futboll pas një periudhe të gjatë pa tifozë. Mbështetës të Italisë dhe Turqisë janë mbledhur pranë stadiumit “Olimpico” ku edhe do të luhet në orën 21.00 ndeshja e parë hapëse.

Por, nëse dikush priste përplasje mes tifozëve, në një kohë kur edhe marrëdhëniet diplomatike nuk janë më të mirat, e kundërta ka ndodhur. Një tifoz i Italisë dhe një tifoze e Turqisë janë puthur, duke dhënë një mesazh që ndarja ekziston vetëm në fushën e lojës, ndërsa pas saj jeta është e bukur.

Përveç kësaj fotoje mediat në Itali kanë publikuar edhe të tjera ku tregohet atmosfera pozitive në prag të kësaj ndeshje.