Pas marrëveshjes që u arrit në Washington nën ndërmjetësimin e Presidentit amerikan Donald Trump, u përmend si ide që Liqeni i Ujmanit të mbaj emrin e Trump, derisa ideja sot u realizua në praktikë nga serbët të cilët sot vendosën emrin e Trump tek Liqeni.

Gjatë negociatave në Shtëpinë e Bardhë, një pjesëtarë i delegacionit të Kosovës e kishte dhënë idenë që ai të quhet Liqeni Trump.

Liqeni i Ujmanit ose Liqeni i Gazivodës është një liqen artificial që shtrihet në veriperëndim të Kosovës dhe një pjesë e vogël e liqenit kalon ne territorin e Serbisë.Liqeni i Ujmanit ka një sipërfaqe prej 11.9 km2 (4.6 mi) nga të cilat 9.2 km2 në territorin e Kosovës dhe 2.7 km2 (1.0 mi) në territorin e Serbisë. Liqeni është formuar nga rrëzimi i lumit Ibër, i cili rrjedh në liqen.

Ky liqen për një kohë të gjatë ka qenë mollë sherri mes Kosovës dhe Serbisë, duke nisur nga deklaratat e politikanëve e deri tek ‘zotërimi’ i synuar ndaj kësaj hapësire.

E për këtë reagoj edhe emisari special Richard Grenell në Tëitter, duke thënë se të dy palët kanë rënë dakord për këtë emër të ri, pra Liqeni Trump.

‘’Se si do quhet liqeni që është në Kosovë dhe Serbi ka qenë një nga pikat serioze pavarësisht nga kompromisi i propozuar nga SHBA’të që të fillohet një studim fizibiliteti për të krijuar vende pune dhe më shumë energji për rajonin …. kështu që të dy palët kanë rënë dakord për një emër të ri: Liqeni Trump.”