Përkrahja e Japonisë ndër vite e ka shndërruar urën e miqësisë në partneritet konstruktiv në mes të Japonisë dhe Kosovës, tha të premten Ministrja e Punëve të Jashtme dhe Diasporës, Meliza Haradinaj – Stublla.Sipas një njoftimi për media, kryediplomatja Haradinaj – Stublla i bëri këto komente në takimin që zhvilloi me të ngarkuarin me punë në Ambasadën e Japonisë në Kosovë,

z. Ogasaëara Mitsunori, të cilit i shprehu falënderimin për mbështetjen e Japonisë dhënë Republikës së Kosovës.“Hapja e Ambasadës së Japonisë në Kosovë është një hap i madh drejt forcimit të marrëdhënieve tona. Theksova përkushtimin e Kosovës në intensifikimin e mëtejmë të bashkëpunimit tonë dypalësh politik e ekonomik”, tha Ministrja Haradinaj – Stublla.