Hoti: Kongresi i Manastirit jetësoi ëndrrën e kamotshme për alfabet të njësuar të gjuhës shqipe
Kryeministri i Kosovës, Avdullah Hoti, ka thënë se 22 nëntori, Dita e Alfabetit është ndër datat më të rëndësishme të historisë së kombit.

Përmes një postimi në Facebook, ai ka shkruar se Kongresi i Manastirit jetësoi ëndrrën e kamotshme të shqiptarëve për një alfabet të njësuar të gjuhës shqipe.

“Kongresi i Manastirit i vitit 1908, me Fishtën, Mjedjen, Zavalanin, Qiriazin e intelektualë të tjerë të shquar të kohës, unifikoi përgjithmonë shkronjën shqipe, duke e jetësuar ëndrrën e kamotshme të brezave për një alfabet të njësuar të gjuhës shqipe”, ka shkruar ai.