Presidenti i Dhomës Amerikane të Tregtisë në Shqipëri, Mark Crawford, duke folur për SCAN, ka treguar tre sektorët ku biznesmenët amerikanë duan të investojnë në Shqipëri.

Sipas Crawford, turizmi, energjia dhe financat janë vendet ku duan të investojnë amerikanët, por deri tani kjo nuk ka qenë e mundur (përveç të tretës deri diku) për shkak të klimës së keqe të të bëri biznes në vendin tonë.

Edhe pse deri tani kemi përfshirje të këtij kapitali në Shqipëri, përsëri problemet nuk janë të pakta ka theksuar ai.

Crawford ka dënuar politikat e qeverisë dhe evidentuar veçanërisht problemet në sektorin energjetik, ku investitorët amerikanë janë përfshirë pak, ose aspak.

Me ristrukturimin e administratës qeveritare si dhe me buxhetin e ri për vitin 2018, sipas Crawford, Dhoma Amerikane, pret rregullim dhe përmirësim të ambientit të të bërit biznes në Shqipëri.