Agjencia Kombëtare e Diasporës organizoi në Odessa të Ukrahinës, koncertin me artistët e Ansamblit Kombëtar të Këngëve dhe Valleve Popullore. Artistët prezantuan muzikë dhe valle tradicionale shqiptare.

Ansambli Kombëtar i Këngëve dhe Valleve Popullore në skenën e Teatrit Akademik të Komedisë Muzikore të Odessës, në një koncert për komunitetin shqiptar në Ukrainë.

Ky aktivitet u zhvillua në zbatim të programeve që agjencia ka për shqiptarët e Ukrainës. Më herët, në kuadër të Marrëveshjes me Teatrin Kombëtar të Operas dhe Baletit, janë organizuar klasa mësimi për vallet dhe kulturën shqiptare, kjo për të gjithë komunitetin shqiptar në Karakurt, Tyushki, Divnyns’ke dhe Gamovka.