Kryeministrja serbe Ana Brnabic ka zhvilluar një bisedë telefonike me kryeministrin e Shqipërisë Edi Rama. Tanjug shkruan se Brnabic ka njoftuar kryeministrin shqiptar se duke filluar nga nesër të gjithë qytetarët e Shqipërisë mund të futen në territorin e Serbisë edhe pa pasur një test të Covid-19.

Brnabic ndër të tjera ka diskutuar me Ramën mbi temat aktuale dhe bashkëpunimin mes dy vendeve si dhe për hapat e ardhshëm të iniciativës “mini Shengen”.

Tanjug shton se gjatë telefonatës janë diskutuar edhe planifikimet për tri marrëveshje të reja që do të nënshkruhen në vijim.

“Janë planifikuar tri marrëveshje të reja që do të nënshkruhen në periudhën e ardhshme. Të dy kanë diskutuar mbi temat aktuale dhe bashkëpunimin mes dy vendeve si dhe për hapat e ardhshëm të iniciativës “mini Shengen”,”- shkruan Tanjug.

Në fund të telefonatës, Rama përcolli përshëndetjet për Presidentin e Serbisë, Aleksandar Vucic dhe u uroi qytetarëve të Serbisë Gëzuar Vitin e Ri.